Lou Cèntre de Doucumentacioun Prouvençalo es esta crea pèr l’assouciacioun Parlaren à Bouleno fin de proumòure e apara la lengo e la culturo prouvençalo. Se trobo à Bouleno, en Prouvènço, au nord-ouèst dóu despartamen de Vaucluso.

Desempièi 2017, ié dison « Cèntre Jan-Marc Courbet » en oumenage e memòri d’un de si mai eminènt foundadou.

Se ié pòu vèire la doucumentacioun sus de noumbrous sujèt relatiéu à Prouvènço : culturo, lengo, istòri, artisanarié, industrìo, literaturo, musico, tradicioun, ecounoumìo, geougrafìo, plantun, bestialun, cousino, esport, agriculturo, tourismo… dins uno biblioutèco drudo de mai de 1700 libre e bendo dessinado tóuti en prouvençau o bi-lengo ; de journau ‘mé de couleicioun entiero de revisto, uno sonotèco, fototèco, aficho , caièr doucumentàri. Vous prepausan tambèn un caièr de pèço de tiatre en prouvençau qu’avèn dins noste Cèntre de doucumentacioun. Li pèço soun classado segound li tèmo : coumedìo, dramo, pastouralo… Pèr chascuno d’entr’éli es marca lou noum de l’autour, lou titre, l’editour, quant de pajo, lis atour ome o femo emplega pèr jouga la pèço.

Pèr fin que lou founs dóu Cèntre de doucumentacioun rèste inalienable e indivisible, l’assouciacioun Parlaren à Bouleno n’en a fa sa douno is archiéu de la coumuno de Bouleno en 2010. Li doucumen , desenant, soun analisa e ajusta pèr l’archivisto coumunau, mai l’assouciacioun Parlaren à Bouleno countunio d’adurre sa countribucioun au crèis dóu founs, majamen pèr la croumpo de libre assegurant ansin lou renouvelamen dis abounamen i revisto.


Contact

04 90 30 19 54
Téléphone
Cette adresse e-mail est protégée contre les robots spammeurs. Vous devez activer le JavaScript pour la visualiser.
Email